by
1800-1363

Мэдээ мэдээлэл

Хэвтэн эмчлүүлэх үедээ өөрийн зардлаар эмчилгээ хийлгэсэн 7 иргэнд 3,745,280 төгрөгийн буцаан олголоо

2021/09/10    324 Үзсэн   

May be an image of text

Иргэн-даатгуулагч Эрүүл мэндийн даатгалын ерөнхий газартай гэрээ байгуулсан ЭМБ-аас тусламж, үйлчилгээг авахдаа ЭМД-ын сангаас төлбөрийн хөнгөлөлт эдэлдэг бөгөөд өвчтөний түүх дээр бичигдсэн тусламж, үйлчилгээний зардлыг өөрөөс гаргасан тохиолдолд эрүүл мэндийн даатгалын тухай хуулийн 13 дугаар зүйлийн 13.1.8-д заасны дагуу тухайн Эрүүл мэндийн байгууллагад үйлчлүүлсэн төлбөрийн баримтыг хавсарган өргөдөл гарган тусламж, үйлчилгээний зардлыг 30 хоногт буцаан авах боломжтой байдаг.

Энэ хүрээнд Эх нярай, эмэгтэйчүүдийн үндэсний төв хоёр Коронавируст халдвар (Ковид-19)-ийн батлагдсан тохиолдлоор хэвтэн эмчлүүлж байхдаа эмчлэгч эмч нь Ремдесивир тариаг хэрэглэх шаардлагатай гэсний дагуу өөрийн зардлаар худалдан авч эмчилгээндээ хэрэглэсэн нэр бүхий 7 үйлчлүүлэгчийн 3,745,280 төгрөгийн буцаан олголтыг тус эмнэлгээс иргэн-даатгуулагчдад олгожээ. ЭМД-ын тухай хуулийг хэрэгжүүлж, ЭМДЕГ-аас тавьсан шаардлагыг шуурхай шийдвэрлэн иргэн-даатгуулагчийг хохиролгүй болгон ажилласан Эх, нярай, эмэгтэйчүүдийн үндэсний төв хоёр эмнэлгийн хамт олонд баярлалаа.

Цаашид ЭМДЕГ-тай гэрээтэй эрүүл мэндийн байгууллагууд өвчтөний түүхэнд бичигдсэн эм, тариаг иргэнээс өөрөөр нь гаргуулсан тохиолдолд ЭМД-ын тухай хуульд заасны дагуу буцаан олголтыг хуулийн хугацаанд шийдвэрлэж ажиллахыг анхааруулж байна.

Санал гомдол

Санал хүсэлтийг энэ холбоосоор дамжин мэдээлэлээ өгнө үү.

Дэлгэрэнгүй

ЦАХИМ ХЭЛЭЛЦҮҮЛЭГ

Одоогоор 2 хэлэлцүүлэг байна.

Дэлгэрэнгүй